Otsailean hasiko diren bost orduko PLUS ikastaro berrietarako matrikula zabalik

Otsailaren 17an hasi eta ekainera arte iraungo duten eguneroko bost orduko PLUS euskara ikastaro trinko berrietarako matrikulazioa ireki da. Denborarik baduzu eta urte hasiera euskarari ekiteko aprobetxatu nahi baduzu, PLUS ikastaro trinkoak dira zure aukerarik onena. Euskara ikastaro hauek egunero, 8:00etatik 13:30era, eskola trinkoak PLUSek eskaintzen dituzten abantaila bereziekin konbinatzen dituzte, hala nola astero-astero jarduera ludiko eta kulturalak, eskolen osagarri direnak eta mintzapraktika sustatzen laguntzen dutenak. Horrez gain, Bakaikuko barnetegian astebeteko egonaldia izaten dute, doan, lauhilabetean behin.

Hasierako A1 mailatik izena ematen dutenek HABEren (Eusko Jaurlaritza) laguntza gehigarria izango dute, matrikularen prezioa are merkeagoa izango dena. Laguntza berezi horri esker, euskarara zerotik hurbiltzen direnek lehen 330 orduak 60 zentimo orduko izango dituzte (ezinbestekoa da matrikula gure bulegoan egitea). Gainera, matrikula murriztu hori ere berreskuratu ahal izango da, gainerako mailetan bezala, HABEren beste dirulaguntza batzuei esker, aurrerapen akademikoaren arabera. Egoera horretan ez daudenek, hau da, A1 mailatik goragoko mailetan ibiliko direnek, gure bulegoan ez ezik, matrikula online ere egin dezakete.