Euskara ikasteko zenbait dirulaguntza daude gaur egun:
HABEren dirulaguntzak
Gaur egun, HABEk euskara ikasteko hainbat dirulaguntza ematen ditu:
1.-2024-2025 ikasturtean maila gainditu edo egiaztatu duten ikasleei dirulaguntzak:
2024-2025 ikasturtean HABEren komunikagaitasun-mailak euskaltegiko edo autoikaskuntzarako zentro homologatuetako ebaluazioan mailaren atalasea gaindituz, edota egiaztatzegintzaren eremuko deialdietan euskara-mailak edo baliokideak gainditu dituzten ikasleei dirulaguntzak. Informazio guztia, hemen: https://www.habe.euskadi.eus/diru_laguntza/2025/euskara-ikasleentzako-2025-urteko-dirulaguntzak/webhabe00-edukiak/eu/
2.-2024-2025 ikasturtean A1 maila ikasten duten ikasleei dirulaguntzak:
Dirulaguntza hauen xedea da A0A0 edo A1A0 abiapuntua duten ikasleei laguntza eskaintzea ikastaroen matrikula-prezioan. Informazio guztia, hemen: https://www.habe.euskadi.eus/2024-2025-ikasturtean-a1-maila-ikasten-duten-ikasleei-dirulaguntzak/webhabe00-tramiteak/eu/
3.-2024-2025 ikasturtean euskararen C1 maila helburu duten 16-18 urteko ikasleei dirulaguntzak:
2024-2025 ikasturtean euskararen C1C1 komunikagaitasun-maila helburu duten ikastaroetan matrikulatzeko C1C1 helburu maila eta abiapuntu maila jakin bat duten 16-18 urteko ikasleei dirulaguntzak. Informazio guztia, hemen: https://www.habe.euskadi.eus/diru_laguntza/2024-2025-ikasturtean-euskararen-c1-maila-helburu-duten-16-18-urteko-ikasleei-dirulaguntzak/webhabe00-tramiteak/eu/
Lanbide
Informazio guztia, helbide honetan.
Udalek emanak
Zenbait herritako udal eta mankomunitatek dirulaguntzak eskaintzen dituzte euskara ikasteko, esaterako, Bilbon. Apiril aldera zabaldu ohi da eskatzeko epea, eta ezinbestekoa da 16 urte beteta edukitzea deialdia argitaratzen den eguna baino lehen, Bilbon erroldatuta egotea, euskara-ikasketak egin izana (aurrez aurrekoa/autoikaskuntza) ikasturte horretan HABEk homologatutako euskaltegietan, eta zerga-betebeharrak, Gizarte Segurantzarekikoak eta Bilboko Udalarekiko tributu-betebeharrak ordainduta izatea deialdi horretako dirulaguntza emateko prozesu osoan zehar, betebeharra onartzean eta ordaintzean ere bai. Horrez gain, ezinbestekoa da gainditzea, gutxienez, HABEko Curriculumean ezarritako azpimaila bat (A0A0-C2C2), eta, horrez gain, ikastaro horren guztizko orduen %60ko gutxieneko asistentzia edukitzea. Bilboko Udalak emandako dirulaguntza bateragarria da HABEk emandakoarekin, baina HABEk eta Bilboko Udalak esleitutako dirulaguntzen baturak ezin du gainditu matrikulen guztizko aurrekontua. Informazio guztia, Bilboko Udalaren webgunean.
Barakaldo, Getxo, Erandio, Leioa eta Santurtziko udalek ere, besteak beste, ematen dituzte laguntzak. Informaziorik behar baduzu, jo zure udalera.
