Gazteentzako barnetegi eta trinko aukera bereziak prest 2024ko UDArako
Aste Santua ate joka daukagu eta euskaltegian barnetegiak prest ditugu. Bakaikuko barnetegiak, Aste Santuan zein Pazko Astean, bete zaizkigu, oraindik Bilboko barnetegietan toki batzuk libre baditugu ere. Haurrek ere badute GAZTEOLAren bidez Aste Santuan campusak eta ikastaroak euskaraz egiteko aukera…
Baina UDA prestatzen ari direnentzat albiste interesgarriak ditugu, izan ere, gazteentzako udako barnetegi eta trinkoak ez ezik, aukera oso interesgarriak sortu dira 15 eta 20 urte bitarteko gazteentzat C1 ikastaro eta barnetegiak ia-ia doan egiteko aukera baitute, HABEk diruz lagunduko baititu. 20 euro soilik ordainduta. Aukera berezi hori baliatzeko, ikasleek gure bulegotik pasatu beharko dute matrikula egiteko.
Uda honetan ekainean, uztailean eta abuztuko lehenengo hamabostaldian izango ditugu gazteentzako barnetegiak Bakaikun, B1A2-etik C1era, hainbat txandatan. Bilbon, gazteentzako 20 eguneko euskara ikastaro trinkoak izango dira, ekainean eta uztailean.
